Si ta kuptoni nëse shefi juaj është i lig...

nga **♛Melody♛** Fri Jun 07, 2013 11:56 pm

Si ta kuptoni nëse shefi juaj është i lig...

Një shef i lig, kthehet në një makth të keq për punonjësit e tij. Ja 9 shenjat, përmes të cilave ju mund ta kuptoni kollaj nëse ai është vërtet i tillë ...
1. Ka një stil irritues komunikimi
Në qoftë se shefi juaj nuk ua komunikon një problem apo shqetësim, pa krijuar rritim dhe përçartje, atij me siguri që i mungojnë disa aftësi menaxhuese.
2. Ka aftësi të dobëta të planifikimit
E njihni thënien: "Planifikimi yt i keq, nuk mund të kthehet në emergjencën time”? Nëse shefi juaj nuk e respektojnë këtë parim dhe nuk bën asnjë përpjekje për ta planifikuar punën, dijeni se s’është një shef i mirë.
3. Ai pret që ju të lexoni mendjen e tij
Duhet që të jeni të përgatitur për të dështuar në punën tuaj me një shef, i cili pret gjithmonë që ju të lexoni mendjen e tij dhe të parashikoni të gjitha kërkesat që ai mund të ketë në kokë.
4. Mungesa e kapaciteteve të vendim-marrjes
Pasiguria, nuk është një epitet që përshkruan një shef të mirë. Shef i keq është pikërisht ai që mbledh të gjithë informacionin, dhe ende mund të mos jetë në gjendje të bëjë një zgjedhje rreth tij.
5. Meritat e mira ua merr, gabimet ua hedh juve
Për meritat e atyre që ju bëni mirë, ai nuk ju njeh aspak si autor të tyre. Por kur bie fjala për gabime, është i pari që t’ju kritikojë dhe t’ua ngarkojë juve.
6. Nuk mund të bëjë debat konstruktiv
Kur shefi juaj nuk di të bëjë një debat konstruktiv, kjo është një shenjë e keqe. Sepse të punësuarit kanë të drejtë të presin një udhëheqës të aftë, edhe kur ai i kritikon dhe ka rezerva.
7. Paraqet shumë arrogancë me ju
Ky tipar është i vështirë të suportohet, dhe sidomos në marrëdhënie pune, prej të cilave nuk shkëputeni dot kollaj.
8. Nuk reagon për kërkesat tuaja
Një shef që nuk di të kujdeset për kërkesat e punonjësve të tij, natyrisht që është i keq.
9. Përdor politikën e terrorit
Nëse shefi juaj ju motivon kryesisht përmes frikës, kjo është një shenjë e mungesës së aftësive të nevojshme të tij për të përmbushur rolin e drejtuesit.