Nexhmije Hoxha padit gazetarin e njohur Blendi Fevziu

E veja e diktatorit Enver Hoxha ka paditur në prokurorinë e Tiranës gazetarin e njohur Blendi Fevziu. Nëzhmije Hoxha, i është drejtuar tre ditë më parë ogranit të akuzës me një letër kërkon fillimin e ndjekjes penale për gazetarin Fevziu, duke e fajësuar atë për faktet që ka publikuar në librin e tij “Enver Hoxha”, një botim i vitit 2011.
Kallëzimi penal, është njëkohësishte edhe për drejtoreshën e Arkivit të Shtetit, Nevila Nika, për “përhapjen e sekreteve vetjake”, duke ju referuar nenit 122 të Kodit Penal të Republikës së Shqipërisë: “Përhapja e një sekreti që i përket jetës private të një personi nga ai që e siguron atë për shkak të detyrës ose të profesionit, kur detyrohet të mos e përhapë pa qenë i autorizuar, përbën kundërvajtje penale dhe dënohet me gjobë ose me burgim gjer në një vit”

Burime nga prokuroria bëjnë me dije se në padi përmenden edhe djali i Enver Hoxhës, Iliri dhe gruaja e tij, Teuta të cilët gjithashtu janë prekur nga publikimi i librit të Fevziut. Ndërkohë prokuroria ka nisur verifikimin paraprak të padisë nëse ajo përmban elemente të veprave penale.