Bërja Baba I Bën Meshkujt Të Ndihen Më Tërheqës

nga **♛Melody♛** Tue Jun 04, 2013 2:10 am

Bërja baba i bën meshkujt të ndihen më tërheqës- Me nëntë muaj shtatzëni pas krahëve dhe perspektivën e netëve të gjata pa gjumë, është e kuptueshme se përse entuzasmi nuk është një ndienjë që shumica e nënave të të porsalindurve e ndajnë.

Megjithatë, ndërsa humori i nënës priret të përkeqësohet, e kundërta ndodh me babanë, i cili përgjithësisht inkurajohet nga lindja e një fëmije dhe ndihet më tërheqës se më parë.

Shkencëtarët amerikanë arritën në përfundimin se pas lindjes së fëmijës së tyre të parë, shumica e baballarëve mbushen me një krenari që ka një ndikim direkt në vetëbesimin e tyre për pamjen e tyre fizike.

Të dhënat u realizuan mbi bazën e një ankete të realizuar mbi 200 çifte amerikane, e partnerëve iu kërkua që të vlerësonin pamjen e tyre me një shkallë që varionte nga shumë i shëmtuar, në jashtëzakonisht tërheqës.

Anketimi realizohej menjëherë pas martesës, në përvjetorin e parë të saj dhe të dytë.

Në këtë interval kohe, 182 nga 200 çiftet u bënë prindër. Mes femrave, ishte e kuptueshme që menjëherë pas lindjes, ato mendonin se duhej kohë për të rifituar pamjen e tyre të përshtatshme fizike dhe vlerësimi ishte përkeqësuar, por tek 18 gratë që nuk ishin bërë ende nëna, vlerësimi shfaqte përmirësim.

Ndërkohë, tek meshkujt, mbase ndikuar nga kënaqja e ndienjës së mashkulloritetit, vetëbesimi për pamjen fizike tregonte një trend të qartë rritës, pas shndërrimit në baba.

03.06.2013

Burimi: Top Channel