E vërtetë që kosi ndihmon trajtimin e problemeve nervore?

Bakteret e dobishme që gjenden tek kosi natyral, rrisin disponimin dhe mund të ndihmojnë në trajtimin e ankthit dhe depresionit.

Studiuesit thonë se ata që hanin kos natyral, të pasur me probiotik dy herë në ditë për një muaj, treguan ndryshime në funksionin e trurit, si në aktivitetin e pushimit të trurit dhe në atë emocional.

Probiotikët ndikojnë në zona të trurit që lidhen me emocionet dhe arsyetimin. Por, rritet edhe aktiviteti në zonat e lidhur me vendimmarrjen. Shkencëtarët shpresojnë se një terapi me probiotikë mund të jetë në dispozicion për të ndihmuar edhe autizmin e Alzheimerin. Por duhet theksuar se njerëzit që vuajnë nga depresioni nuk mund të shërohen duke ngrënë kos.

Probiotikët quhen edhe “bakterie të mira”, sepse ndikojnë më së miri në sistemin imunitar dhe ndihmojnë në parandalimin e infeksioneve. /noa