BB6, Banorët debat me Ilirin. Iliri: “Unë do të fitoj Big Brother”. Anaidi: “Të gjithë e meritojmë”.

Teksa banorët qëndrojnë në lulishte duke diskutuar Iliri thotë që ka bërë një lojë të pastër. Anaidi e nxit diskutimin duke i thënë Ilirit se deri dje ka thënë për Elonënqë është një banore e fortë, ndërsa dje i ka rrëfyer atij që është Ai dhe Anaidi dy konkurentët më të fortë. Në këtë moment ai i kërkon Ilirit të dijë se cila është loja e pastër që ai po bën ndërkohë që ka thënë dy gjëra të ndryshme. Iliri e argumenton mendimin tij duke thënë se Elona ka ndryshuar dhe nëse ajo do e kuptojë shumë gjëra do të ndryshojnë. Ai i drejtohet Elonës që është njeri tjetër dhe kjo gjë tashmë një fakt. Elona i përgjigjet që jo çdo gjë që thotë ai është e vërtetë.

Anaidi ngulmon që Iliri nuk ka bërë lojë të pastër, sepse ai në javën e pestë të spektaklit e ka nominuar Elonën duke i futur një stërkëmbësh vetes. Ilir shpreh që e ka nominuar sepse donte që të zgjohej sepse ishte shumë pasive dhe në atë kohë nuk ka pasur shumë marrëdhënie me Elonën. Anaidi më pas i thotë se në raport me marrëdhënien me Elonën dhe Riken ai nuk ka ditur të ndajë kush është Elona dhe kush është Rikja dhe ai bëri atë që nxori Riken nga loja. Sipas Anaidit, loja e pastër është që personin që ke afër mos ta nominosh kurrë. Ai vazhdon më tej duke nënvizuar banalitetet e Ilirit dhe që është sjellë kështu edhe me Oltën edhe me Riken. Shpendi më pas e pyet se çfarë nënkupton Iliri me lojë të pastër. Iliri nis të thotë se lojë e pastër është qëndrimi i drejtë, të ndërhyjë aty ku duhet dhe të tërhiqet aty ku duhet. Sipas tij të flasësh gjithë kohës duke ngritur zërin për të debatuar nuk është lojë e pastër. Sipas Anaidit, Iliri i gjykon njerëzit për atë që do ai dhe jo për atë që janë. Iliri shprehet se njerëzit i vlerëson për atë që bëjnë. Anaidi e akuzon Ilirin se i ka përdorur banorët duke i viktimizuar nëpërmjet fyrjeve që ai përdorte. Iliri nuk e pranon një gjë të tillë duke shtuar se shakanë e ka një armë shumë të fortë dhe e përdor për të edhe për të dhënë mesazhe të caktuara.

ME pas mes Anaidit dhe Ilirit nis një debat pas deklaratës që beri Iliri se është ai që do e fitojë Big Brother. Sipas Anaidit ai mund të shprehet se do të dëshironte ta fitonte, siç dëshiron gjithsecili, por jo në mëyrë absolute sepse përderisa në finale kanë shkuar 4 banorë domethënë që janë më të mirët dhe çdokush mund të jetë fitues. Sipas Ilirir,nëse nuk mendon që je më i miri, i bie që ta lësh garën shumë shpejt. Anaidi i thotë Ilirit se edhe në 700 Big Brother të marrë pjesë, ai nuk do e fitojë me këtë lojë që ka bërë.

29 maj 2013 (gazeta-Shqip.com)