Adoleshentet e rrahin shoqen e tyre deri në vdekje, nuk iu pëlqente më

16-vjeçarja, Skylar Neese u zhduk nga qyteti i saj Star City, West Virginia verën e kaluar dhe nga ai moment policia nuk i ka ndalur kërkimet për të.

Por vetëm së fundmi 16-vjeçarja Rachel Shoaf pranoi se së bashku me një shoqen e saj e kishin rrahur deri sa i kishin shkaktuar vdekjen Skylar, duke i thënë agjentëve të policisë se ku të gjenin trupin e saj.

Komuniteti vendas u trondit jo vetëm sepse Skylar ka vdekur, por se dy vajza të moshës së saj e rrahën deri sa e vranë, duke e braktisur trupin e saj kilometra larg, pasi prej disa kohësh nuk e pëlqenin më dhe nuk shoqëroheshin me të.

Nga hetimet e policisë rezultoi se Rachel së bashku me një shoqen e saj emri i së cilës nuk dihet ende, kishin planifikuar çdo gjë deri në detaj dhe në momentin e duhur e sulmuan duke e vrarë. Ato tentuan ta djegin trupin e saj, por nuk mundën, kështu që e mbuluan kufomën me gjethe në thellësitë e një pylli.

/Shekulli Online/ Përgatiti: E.L/