Kinezët reagojnë për fëmijën e braktisur...

Nëna e foshnjës së shpëtuar gjatë fundjavës nga një tubacion ujrash të zeza në Kinë, “ndjen keqardhje të thellë për atë që bëri”.
Fëmija u shpëtua të shtunën ndërsa mbetet ende në spital, ku raportohet të jetë në gjendje të qendrueshme. “Policia lokale ka gjetur edhe të ëmën. Ajo ndjen keqardhje të thellë për atë që bëri. Detajet e ngjarjes janë ende nën hetim”,thuhet në një deklaratë të policisë. Policia publikoi imazhe të të miturit në spital, që e tregonin teksa flinte në një inkubator, nën kujdesin e disa infermiereve. Video dramatike e shpëtimit të tij bëri jehonë titujt kryesorë të mediave në botë. Sipas policisë, një nga zjarrfikësit e përfshirë në ngjarje vizitoi fëmijën dhe i dërgoi rroba, pelena dhe pudër. Dikush tjetër kishte dërguar shishe qumështi, së bashku me një shënim, ku lexohej: “Mos e lini fëmijën të vdesë. Le të lutemi për të”. Shpëtimi i tij nisi, pasi u dëgjuan të qara nga tualeti i një banese në katin e 4-t.


/clubfm