Fier, një person tenton të hidhet nga 40 metra lartësi, shkak varfëria

Një person ka kërcënuar ditën e sotme se do të hidhej nga një prej kullave të TEC-it të Fierit. Shtetasi, Gramoz Hoxha, kërcënoi me vetëflijim nga një lartësi prej 40 metrash.

Policia e qytetit mbërriti menjëherë në vendngjarje duke negociuar me Hoxhën dhe pas disa minutash arriti ta bindte që të mos e ndërmerrte aktin.

Ende nuk dihen me saktësi motivet që e çuan Gramoz Hoxhën që të ndërmarrë këtë akt, por pista kryesore mendohet të jetë varfëria.

/Shekulli Online/Përgatiti: E.D/