Angelina Jolie i ka hequr të dy gjinjtë

Aktorja e mirënjohur e Hollivudit, Angelina Jolie, ka publikuar se e ka kryer një mastektomi të dyfishtë parandaluese, pasi ishte ballafaquar me rrezikun e lartë të kancerit në gji. Nëna e Angelinës ka ndërruar jetë si pasojë e sëmundjes së kancerit në gji.

Për vendimin e saj, aktorja 37-vjeçare ka shkruar në një artikull të publikuar sot në të përditshmen Neë York Times, me titullin “Zgjedhja ime mjekësore”. Angelina Jolie tha se mjekët e kishin informuar atë se e ka gjenin e “gabuar” të njohur si BRCA1 dhe se ballafaqohet me 87% të rrezikut për kancer në gji.

Aktorja e mirënjohur e Hollivudit tha se, “ajo kishte vendosur të jetë proaktive” dhe me operacion i ka hequr të dy gjinjtë. Jolie deklaroi se gjasat për zhvillimin e kancerit të gjirit tash janë zvogëluar në 5%./shekulli