Ferizaj, festohet 105 vjetori i lindjes së Enverit

nga **♛Melody♛** Tue Oct 15, 2013 12:39 am

Fronti Popullor i Kosovës, të shtunën në një manifestim në Ferizaj shënoi 105 vjetorin e lindjes së ish-liderit komunist, Enver Hoxha. Sikurse herëve të kaluara edhe sivjet "frontistë" nga anë të ndryshme të Kosovës u mblodhën në selinë e tyre, që tashmë ka marrë emrin edhe si "muzeu i Enverit".
Në këtë ditë u kënduan këngë dhe recitime që lartësonin figurën e Enver Hoxhës, duke thënë se “plot 50 vite ishte njeriu që me guxim të rrallë dhe me vigjilencë të jashtëzakonshme qau errësirën e shekujve duke u bërë diell i tokës dhe i popullit shqiptar”.
Kryetari Frontit Popullor Remzi Hasani, diktatorin Hoxha e ka quajtur kolos dhe vigan të kauzës kombëtare që jetën e tij e ka konceptuar si detyrim ndaj atdheut.
"Epoka që mbanë emrin e Enverit është epoka e njeriut që luftoi dhe punoi për çlirimin dhe emancipimin e kombit dhe ndërtimin e fatit të atdheut dhe jo e atij që vepron vetëm për veten e tij.
Populli shqiptar, për rreth gjysmë shekulli çdo shkallë të progresit ja dedikonte shokut Enver Hoxha, sepse me emrin dhe kujdesin e tij u bënë ndryshime epokale në Shqipëri", theksoi Hasani.