Tallja e Daily Mail: Princi Harry takon Bleonën (video)

Bleona Qerreti tashmë është kthyer në një fenomen. Mania e saj për ta rreshtuar vetën krah personazheve të famshëm ka rënë edhe në sy të gazetarëve britanikë. Gazeta më e madhe në botë në internet, “Daily Mail”, trajton me sarkazëm fjalët e saj lidhur me Princin Harry. Jo më kot Bleona është pjesë e rëndësishme e Hollywood-it ose të paktën kështu pretendon se është
Ja çfarë shkruan gazetari Richard Kay:

Nëse romanca e tij me Cressida Bonas nuk funksionoi, Princi Harry mund t’i përgjigjet në shqip telefonatës së Madonës. Bleona Qereti është një këngëtare 33-vjeçare që i llogarit Princin e Monakos, Albert dhe stilistin Roberto Cavalli si miq.

Shoku i saj, Donald Trump e kujton atë si, “personin më të famshëm që ka takuar ndonjëherë”, kur ata kryqëzuan sytë pesë vite më parë.

Bleona po viziton Londrën dhe po njihet me familjen mbretërore. “Princi Harry dhe unë kemi shumë miq të përbashkët dhe ata më kanë treguar gjithçka për të. Jam e kënaqur që u takuam”, tha Bleona, e cila sapo ka publikuar këngën “Take It Like A Man”. “Mendoj se është shumë simpatik dhe kam dëgjuar që është paksa i egër”, thotë ajo për Princin e Mbretërisë së Bashkuar.