Prokuroria kërkon 23 vjet burg për Prendin dhe 25 për Llupon

nga **♛Melody♛** Tue Sep 17, 2013 10:45 pm

Prokuroria e Përgjithshme ka kërkuar një dënim me 23 vjet burg për ish-kreun e Gardës së Republikës, Adrea Prendi dhe 25 vjet burg për ish-gardistin Agim Llupo.

Ish-kreu i Gardës akuzohet për vrasjen e Faik Myrtaj gjatë protestës së 21 janarit. Gjatë seancës së sotme nuk është paraqitur asnjë nga familjarët e viktimave, por vetëm përfaqësues të ambasadës amerikane.

10:35- Gjykata e Apelit nis seancën gjyqësore për ngjarjet e 21 Janarit. Në seancën e sotme është zgjedhur kryesuesi i trupit gjykues, z Agim Bendo, ndërsa relator i çështjes është zgjedhur Ervin Metalla.

Prokuroria ka deklaruar se vendimi i Gjykatës së Shkallës së parë për 21Janarit nuk ishte i drejtë. Sipas organit të akuzës demonstruesit nuk ishin të armatosur dhe Garda ka qëlluar drejt tyre. /albeu.com/