Samanta zhvishet në Jug: E lumtur që arrita linjat që doja

nga **♛Melody♛** Tue Sep 03, 2013 7:43 pm

Ky është viti i saj i triumfit si artiste, ndërsa shfaqet më e rritur dhe më e realizuar në muzikë. 23-vjeçarja Samanta Karavella këtë kulm karriere e sheh veç si një fillim të ri, me më shumë klipe, koncerte dhe në pritje të një dashurie të re. Pas publikimit të klipit “Pafundësi”, ajo po kalon disa ditë pushimesh në plazhet e Jugut, ku janë realizuar dhe këto foto në det. Samanta tregon për gjendjen shpirtërore të kësaj vere dhe linjat e dobësuara, duke ekspozuar elegancën në bikini:

Ky ka qenë viti yt, me çmime, klipe të bukura dhe prezencë mediatike. Si po i kalon pushimet?
Këto ditë pushimesh po i kaloj në Jug, ku kam dhe datat e koncerteve, ndaj po alternoj punën me plazhin. Ndërsa më pas do pushoj në Greqi.
Klipi yt “Pafundësi” është pëlqyer nga publiku. Do të vazhdosh me këngë të reja këtë vit?
Patjetër që kam nisur të punoj me dy këngë të reja, që planifikoj t’i realizoj edhe ato si klipe.
Shumë këngë dashurie, po realisht si i ke punët me ndjenjat?
Nuk i jam përkushtuar dashurisë gjatë kësaj kohe, pasi jam fokusuar te karriera.
Mendon se dashuria është diçka që mund të planifikohet kështu?
Jo natyrisht, pra e pres dashurinë kurdo që të vijë.
Në daljet e tua skenike shfaqesh më e dobët se më parë
Po, kam rënë 3 kg dhe në këto momente që po flasim peshoj 49 kg.
Ushtron palestër apo mban dietë?
Palestër ushtroj, por me periudha, jo vazhdimisht. Kam muaj që jam shkëputur në fakt nga stërvitjet në palestër për shkak të kohës së kufizuar dhe ftesave që marr për koncertet. Për sa i përket dietës, nuk kam mbajtur asnjëherë. Normalisht që jam munduar të shmang yndyrat dhe të ushqehem shëndetshëm. Ndërkohë që darkën e kam përjashtuar nga menyja ime ditore.

Samanta zhvishet në Jug: E lumtur që arrita linjat që doja Sam1