Në Londër së shpejti makina me hidrogjen

Makina e parë që funksionon me hidrogjen do të arrijë së shpejti në Londër.
Kompania Hyundai thotë se automjeti që funksion me hidrogjen bën një distance më të madhe sesa makinat konvencionale me bateri dhe ka avantazhin që nuk emeton asnjë lloj gazi. Produkti i vetëm që nxjerr kjo makinë është uji.
Marka Hyundai ix35 është seria e pare në botë e makinave me hidrogjen, ndërsa menaxher për kompaninë Hyundai në Britani është Robin Hayles, i cili thotë se makina ka avantazhin e madh që e gjeneron vetë elektricitetin, krahasuar me makinat elektrike konvencionale.
Makina përdor hidrogjenin për të prodhuar energji përmes një reaksioni kimik. Ndërkohë, pesë makina të këtij lloji do të jenë në rrugët e Londrës deri në fund të gushtit.Ky model do të jetë pjesë e një projekti të financuar nga qeveria që synon nxitjen e përdorimit të makinave me hidrogjen.
Emma Guthrie është menaxhere për zhvillimin e biznesit në Air Products, kompania që koordinon futjen e këtyre makinave në treg.
“Kemi filluar duke vendosur stacionet e para të furnizimit me hidrogjen në aeroportin Heathroë. Hapja e një stacioni të dytë në Londër do të shënojë fillimin e rrjetit të makinave me hidrogjen që vijnë nga kompania Hyundai ” , tha Emma Guthrie , menaxhere për zhvillimin e biznesit në Air Products.
Stacioni i dytë me hidrogjen do të hapet së shpejtë dhe deri në vitin 2015 do të ketë edhe gjashtë të tjerë. Londra synon të bëhet qendra globale për përdorimin e makinave me hidrogjen.Në dy vitet e ardhshme, Hyundai ka në plan të prodhojë një mijë makina ix35.