Britania E Madhe Teston Baterinë Më Të Madhe Në Evropë

nga **♛Melody♛** Wed Jul 31, 2013 6:26 pm

BRITANI - Një testim i baterisë më të madhe në Evropë, e cila mendohet se do të transformojë rrjetin elektrik në Mbretërinë e Bashkuar dhe të rrisë energjinë e rinovueshme, do të fillojë në Leighton Buzzard, Bedfordshire.
Teknologjia për ruajtjen e energjisë do të testojë metodave të reja, për kapjen e energjisë elektrike dhe për lirimin e saj në periudha të gjata. Gjetja e mënyrave për ruajtjen e energjisë, nga gjenerimi i turbinave me erë dhe paneleve diellore, është çelësi për ruajtjen e një burim të vazhdueshëm të energjisë.
Por teknologjia e ruajtjes ka qenë e vështirë për ta përkthyer, nga bateritë e vogla në bateri të shkallës së madhe, që nevojitet për të balancuar kërkesën dhe furnizimin në rrjetin kombëtar.
Në nënstacionit elektrik që furnizon Leighton Buzzard, tre kompani janë duke shpresuar për të vendosur një nga bateritë më të mëdha të ndërtuara ndonjëherë, duke përdorur teknologjinë litium mangan. Projekti prej 25$ milionë do të përbëjë thelbin e një testimi të magazinimit të energjisë, që mund të ketë ndikim të gjerë për sektorin e energjisë së rinovueshme.
Të tre kompanitë – S & C Electric Europe, Samsung SDI dhe Younicos – kanë fituar tenderin për instalimin e një baterie me kapacitet 6 megavat, e cila do të thithë energjinë dhe do ta lirojë atë, për të përmbushur kërkesat e rrjetit elektrik. Rezultatet e para priten të dalin në vitin 2016.
Nëse është e suksesshme, teknologjia e baterisë dhe ekspertiza e rrjeteve që shkon së bashku me të, do të përhapet në mbarë botën.
31.07.2013
Burimi: Balkanweb