I hyjnë botës së këngës

nga **♛Melody♛** Wed Jul 24, 2013 11:26 pm

Modelë të njohur, fitues të shumë çmimeve në konkurset e bukurisë në Kosovë dhe Shqipëri. Është kjo dyshja simpatike Vigani dhe Edberi të cilët u bënë shumë të dashur dhe të pëlqyer për publikun shqiptar edhe përmes pjesëmarrjes së tyre në reality show ‘Big Brother Albania’.
Por duke qenë se bota e famës ka nis t’iu hyjë më shumë në qejf, djemtë më simpatik nga shtëpija e ‘Big Brother…’ kanë vendosur t’i futen edhe botës së këngës. Në një bisedë për Tribuna Vigan Shehu ka rrëfyer se ideja për t’iu futur muzikës nuk ishte e rastësishme pasi që të dy janë marrë edhe më herët me muzikë.
“Ideja ka lind moti sepse edhe unë dhe Edberi jemi marrë shumë më moti me muzikë. Unë kam kryer shkollën e muzikës për klarinetë dhe kam pasur grupin tim që deri vonë kemi bërë muzikë në vende të ndryshme. Po ashtu Edberi rrjedhë nga një familje muzikantësh, babai i këndon, kështu që nuk është e rastësishme”, ka treguar fillimisht Vigani.
Kënduam edhe më përpara
Bindjen e tyre se janë të zotë edhe në këngë e kanë forcuar edhe më shumë ofertat drejtuar atyre. “Pas ‘Big Brother’ kishim shumë oferta për duete. U rritën mundësitë për këngë. E meqenëse kishim përkrahjen e madhe të publikut ne menduam se ishte koha e duhur për të lansuar këngën dhe filluar karrierën muzikore. Kënga e parë me të cilën do të marrin pjesë në ‘Kënga Magjike’ është një bashkëpunim i yni me këngëtarin nga Shqipëria Emiliano”, tregon tutje Vigani duke sqaruar se kënga e cila i përket zhanrit ‘Rnb’ është në përfundim e sipër dhe menjëherë pas lancimit në festival do të publikohet edhe videoklipi.
Por kjo nuk është hera e parë që Vigani dhe Edberi bënë një këngë së bashku, pasi gjatë kohës së ‘Big Brother’ dyshja përgatiti një këngë kushtuar spektaklit, këngë e cila sipas Viganit nuk u realizua me videoklip për arsye të bojkotimit nga ana e televizioneve shqiptare.
“Kënga e parë që e bëmë me Edberin ishte kushtuar spektaklit. Ne kishim menduar t’i realizonim edhe videoklipin por gjatë bisedave me televizionet e ndryshme e kuptuam se ajo këngë nuk do të transmetohej në asnjë televizion tjetër përpos Top Channel. Kjo për shkak të marketingut që mund t’i bënte kënga televizionit ‘Top Channel’”, ka sqaruar këngëtari i ri.
Ndryshe dyshja veç angazhimeve të reja në muzikë po vazhdojnë të jenë të pranishëm edhe në fushën e modelimit me reklama të ndryshme./orainfo