Big Mama, ndjehet më seksi se kurrë

nga **♛Melody♛** Fri Jul 19, 2013 4:47 pm

Këngëtarja Big Mama tani ndjehet më seksi se kurrë, mbase ka arritur të realizojë dëshirën e saj në strukturimin e hijeve trupore. Tani ajo ndjehet e kënaqur me peshën që ka arritur të pakësojë me mbajtjen e dietave me muaj të tërë. Mbase tani ajo i ka dhënë fund këtyre dietave, duke thënë se tani nuk kursehet fare në ngrënie të ushqimit.
“Tani jam më e lumtur se kurrë për shkak se u kam dhënë fund dietave tani e disa muaj dhe vazhdoj të kem një trup perfekt. Ndërkaq sa i përket ngrënies së ushqimit, tani nuk po kursehem fare, po ha çdo gjë që më pëlqen dhe nuk mendoj se mund të shtoj peshë sepse nuk i fitoj lehtë kilogramët”, ka thënë ajo për “Zërin”. Edhe pse ka pasur një peshë të madhe, Bigu asnjëherë nuk është ndjerë e kompleksuar, mirëpo kureshtja për të parë veten me një trup të bukur, e ka shtyrë që ajo të mbajë dietë dhe të pakësojë kilogramët.
“Asnjëherë nuk më ka penguar trashësia që kam pasur në trupin tim, jam një tip që nuk kam fare komplekse. Mirëpo dëshira për ta parë veten se si do të dukem me një trup të dobësuar ka bërë që të mbaj dieta për muaj të tërë. Dhe tani meqë e kam arritur dëshirën dhe kam arritur të kem linja të bukur trupore, nuk kam nevojë të mbajë dietë”, shton ajo. Bigu tani në këtë sezon vere do të bëjë edhe disa javë pushim në ndonjë plazh të bukur jashtë vendit. Mirëpo ende nuk ka vendosur se ku dhe me kë do t’i bëjë këto pushime.
“Natyrisht se sezoni i verës na sjell kënaqësi dhe dëshirë për të qenë më shumë nëpër plazhe, mirëpo unë ende nuk kam vendosur se ku do të jem në këto pushime dhe me kë do të jem e shoqëruar. Por sido që të jetë uroj që këto pushime t’i kaloj sa më mirë”, shprehet në fund ajo