Vdiq pas 42-vjetësh në koma, historia prekëse e Entouaranta-s

nga **♛Melody♛** Thu Jul 18, 2013 3:47 am

Frymën e saj të fundit la në moshën 59-vjeçare Entouaranta O. Mpara
Në vitin 1970, në moshën 16-vjeçare sëmundja e diabetit e vuri në koma. Pak kohë para se të humbiste ndjenjat, Entouaranta kërkoi nga nëna të mos largohej kurrë praj saj. Edhe pse nuk ishte e nevojshme ta kërkonte, prindërit e saj iu nënshtruan bindshëm dhe me respekt dëshirës së vajzës së tyre, duke mos ndalur kurrë kujdesin ndaj saj, në shtëpinë e tyre në Majami.

Çdo ditë, çdo natë, çdo minutë i lexonin, i vendosnin të dëgjonte muzikë, çdo dy orë i ndryshonin krahun, i bënin banjë, i flisnin dhe e ushqenin me një aparaturë të posaçme.
Në vitin 1976 i ati i saj vdiq. Në vitin 2008 u largua nga jeta edhe nëna e saj. Kështu, kujdesin e Entouaranta e mori e motra e saj Collins.
Kështu jetoi Entouaranta deri të mërkurën e shkuar, ku la dhe frymën e saj të fundit në moshën 59-vjeçare.
Ditën e enjte, u publikua në sajtin e krijuar posaçërisht për Entouaranta, lajmi i vdekjes së saj.
Ndërkohë motra shkroi për të: “Dje, ndërsa kujdesesha për Entouaranta-n, në një moment vura re të më shikonte në sy dhe më dhuroi buzëqeshjen më të bukur që kam parë në jetë. Më pas, mbylli sytë për të shkuar pranë prindërve tanë”.
Në vitin 2001 kishte qarkulluar një libër me titullin “Premtimi është premtim”, si dhe pak kohë më parë qarkulloi dhe një këngë me historinë prekëse të kësaj familje heronjsh!