Ja si mund t’i dobësoni krahët dhe të bëni të mundur tonifikimin e tyre

Ndonjëherë nuk veshim veshjet që dëshirojmë, pasi disa bluza dhe fustane n’a nxjerrin në dukje krahët e shëndoshë. Për të bërë të mundur dobësimin e krahëve nuk është e nevojshme një dietë specifike, pasi nuk është e thënë që do i humbisni peshen në mënyrë të veçantë tek krahët.
Me anë të një diete mund të humbisni peshë, por jo specifikisht tek krahët, ndaj zgjidhja është bërja e ushtrimeve të posaçme vetëm për zonën e krahëve për t’i tonifikuar ata deri në atë pikë që të përmirësoni masën muskulore.
Së pari këshillohet që me krahë të ngrini lartë objekte jo shumë të rënda për të tonifikuar krahët. Nëse arrini forcimin e masës muskulore, atëherë jo vetëm që krahët do të dobësohen, por organizmi ka tendencë të djegë kalori për gjatë gjithë ditës derisa muskujt të bëhen të fortë. Ndër të tjera, një stërvitje rezistente, siç mund të jetë ngritja e vazhdueshme dhe e ekuilibruar e peshave, ndihmon në rritjen e densitetit të kockave. Kjo gjë është rekomanduar nga ACSM (American College of Sports Medicine), ndërsa veçanërisht ajo është e dobishme për parandalimin e plakjes.
Nëse ju u kushtoni krahëve 10 minuta në ditë stërvitje, ju do të përfitoni rezultate mjaft të dukshme . Përsa u përket llojëve të ushtrimeve, mjafton të navigoni në internet dhe aty do të gjeni vidio me ushtrime të përshtatshme për krahët tuaj.