Tiranë, ekzekutohet me 9 plumba një 50-vjeçar, autorët largohen nga vendngjarja

nga **♛Melody♛** Tue Jul 16, 2013 6:45 pm

Një tjetër ngjarje e rëndë ka ndodhur ditën e dielë, ku një 50-vjeçar është ekzekutuar me 9 plumba. Ngjarja ka ndodhur në hyrje të një pallati në afërsi të shkollës “Partizani” në Tiranë.
Burime zyrtare nga policia e Tiranës bëjnë me dije se viktima është shtetasi Edmond Dervishi rreth 50 vjeç, ndërsa mbeten ende të paqarta shkaqet e ngjarjes.
Sipas policisë, viktima është qëlluar nëntë herë me pistoletë nga disa persona që udhëtonin me një automjet tip ‘Benz’ të zi 4 fenerësh. Menjëherë pas ngjarjes, autorët e krimit janë larguar në drejtim të paditur.
Ndërkohë policia ka ngritur postoblloqe ne hyrjet dhe daljet e Tiranës, dhe po punon për identifikimin dhe kapjen e autorëve të vrasjes.

- See more at: http://medialajm.al/2013/07/tirane-ekzekutohet-me-9-plumba-nje-50-vjecar-autoret-largohen-nga-vendngjarja/#sthash.etvK3cZD.dpuf