Kinë, evakuohen 500 mijë njerëz për shkak të tajfunit Sulik

Mbi 500 mijë njerëz janë evakuar nga banesat e tyre për shkak të tajfunit Sulik.
Tajfuni Sulik u lëshua në brigjet e krahinës Fujian me erëra që arrinin shpejtësinë prej 118 km/h, njofton administrata meteorologjike e Kinës.
Mbi 500,000 njerëz janë zhvendosur nga Fujian për në Zheijiang para se te afrohet tajfuni në brigjet e bregdetit. Për të ndihmuar në evakuimin e banorëve, janë dërguar rreth 5 500 forca ushtarake, ndërsa Agjencia shtetërore kineze e lajmeve “Xinhua” njofton se më shumë se 31,000 anije janë kthyer në port për ankorim, kurse janë anuluar 20 fluturime.