Tiranë, sulmohet me spray në fytyrë, i marrin 1.5 mln lekë

nga **♛Melody♛** Wed Jul 10, 2013 3:06 am

TIRANE- Policia shoqëroi 3 persona si të dyshuar pë grabitjen e biznesmenit të produkteve farmaceutike dhe aksioner në biznese ndërtimi është grabitur në orët e para të mëngjesit të sotëm pranë stadiumit “Qemal Stafa”. Gazetari Arsen Rusta informon se biznesmeni Ciprian Kodheli u sulmua me spray neuroparalizues në fytyrë rreth orës 06:00 dhe më pas autorët, (mendohet se janë dy ) kanë mundur të grabisin 1.5 milionë lekë të reja të cilat i kishte me vete. Ngjarja ka ndodhur sot rreth orës 7.30, kur Kodheli po dilte nga shtëpia e tij në një nga lagjet qendrore të kryeqytetit. Dy persona e kanë sulmuar me spray në fytyrë duke i rrëmbyer çantën me paratë. Policia po kontrollon kamerat e sigurisë të instaluara në zonë. Kodheli punonte si kontraktues për mbledhjen e parave për Omegafarma dhe dje kishte mbledhur 1.5 milionë lekë nga farmacitë e Kavajës dhe mëngjesin e sotëm ishte nisur për t’i çuar në bankë. Policia nis hetimet për zbardhjen e autorëve të kësaj grabitjeje. (v.gj/shqiptarja.com)

- See more at: http://www.shqiptarja.com/video/index.php?IDVideo=17652&IDCategoria=7#sthash.EwcRPKoi.dpuf