Atë e bir bëjnë gara me makina Babai i përplas BMW-në djalit

nga **♛Melody♛** Wed Jul 10, 2013 2:49 am

Kinë – Në një kryqëzim në provincën Anhui të Kinës Lindore, babai dhe djali i tij janë bërë protagonist në një ngjarje të rrallë. Atë e bir ishin duke bërë gara me makinat e tyre, por babai me Mercedesin e tij 80 mijë euro ka ndaluar në kryqëzimin më të afërt, ndërkohë që djali i tij me BMW po e “provokonte” për të garuar përsëri.

Babai ka refuzuar dhe për të ndaluar djalin e tij, nuk ka preferuar që të dalë nga makina, por për këtë gjë ka përdorur pikërisht makinën. Ai i bllokoi rrugën djalit me Mercedesin e tij duke e shtyrë BMW-në në mënyrë që ta bllokonte dhe mos të lëvizte. Por, spektakli nuk ka përfunduar me kaq, pasi djali nuk dorëzohej lehtë dhe tentonte vazhdimisht të largohej.

Atëherë babai i ka dhënë goditjen finale makinës së djalit të tij duke e goditur në pjesën anësore. Pas kësaj, djali doli nga makina dhe filloi të vraponte, Gjithashtu edhe i ati po vraponte pas tij për ta kapur. Të dy i braktisën makinat në mes të rrugës duke bllokuar trafikun. U desh që të vinte policia dhe të largonte të makinat nga rruga, kurse atë e bir do të përballen me akuzat për drejtim të rrezikshëm të makinës.

(v.gj/shqiptarja.com)
- See more at: http://www.shqiptarja.com/metronews/2729/ate-e-bir-bejne-gara-me-makina-babai-i-perplas-bmw-ne-djalit-166380.html#sthash.t8UNM6ns.dpuf