Erdoan dënon grushtin ushtarak në Egjipt, “Perëndimi po hesht”

Kryeministri Turk, Rexhep Tajip Erdoan i ka bërë thirrje shoqërisë ndërkombëtare në lidhje me grushtin ushtarak në Egjipt duke nënvizuar se perëndimi po hesht duke mos demostruar një qendrim parimor.
Këtë deklaratë,Erdoan e ka dhënë në ceremoninë e përurimit të metrosë Esenler-Bashakshehir në Stamboll, ku gjithë fjalimin e tij mbi grushtin ushtarak në Egjipt. Ai dënoi grushtin ushtarak në Egjipt, si një atentat ndaj demokracisë, dhe hipokrizinë e vendeve perëndimore që refuzojnë ta quajnë grusht shteti rrëzimin e Mursit.
“Në Egjipt është bërë një grusht shteti. Askush të mos përpiqet të mashtrojë njerëzit. Grushti i shtetit është një metodë e keqe dhe e dëmshme, pavarësisht se ndaj cilit bëhet, cilin ka si objektivë dhe cilin rrëzon nga pushteti. Ai është vrasës i demokracisë dhe të ardhmes. Gjatë asaj kohe, llogaria kërkohet në kutitë e votimit”, deklaroi kryeministri turk.
Erdoan ka kritikuar edhe bashkësinë ndërkombëatre duke thënë:”Përballë ngjarjeve në Egjipt, e gjithë bota po i nënshtrohet një testi mjaft të qartë mbi sinqeritetin. Perëndimi, i cili në bisedimet private me ne thotë gjithnjë se është kundër grushteve, këtë herë po hesht. Shoqëria dhe institucionet ndërkombëtare nuk demonstruan një qëndrim parimor dhe të sinqertë përballë kësaj padrejtësi dhe mizorie, që po përjetohet përpara syve tanë. Ata që mbështeten tek armët e tyre dhe tek fuqia mediatike, nuk mund të ndërtojnë demokracinë. Demokracia ndërtohet me anë të votes”.