Elbasan, plagos xhaxhain dhe kushëririn për motive pronësie, arrestohet 32-vjeçari

Një 32-vjeçar është arrestuar nga policia e Elbasanit, pasi ka plagosur xhaxhain dhe kushëririn pas një konflikti për çështje pronësie.
Burime nga policia e Elbasanit bëjnë me dije se 32-vjecari, Ilir Zdrava , është arrestuar në flagrancë gjatë një konflikti për motive pronësie, në fshatin Deshiran Elbasan. Zdrava ka goditur me sende te forta xhaxhain e tij E.Zdrava, 71-vjeç dhe kushëririn e tij B Zdrava 33-vjeç.
Materialet iu kaluan Prokurorisë së Rrethit Gjyqsore Elbasan për veprime të mëtejshme për veprën penale “Plagosje e lehtë me dashje”