Komentet Në Facebook Për Ramën, Pezullohet Për 1 Muaj Nga Detyra Erzen Breçani

nga **♛Melody♛** Thu Jul 04, 2013 5:45 am

Pezullohet për një muaj nga detyra nëndrejtori i policisë së Tiranës Erzen Breçani.
Vendimi është marrë nga drejtori i përgjithshëm i policisë së shtetit Hysni Burgaj pas komenteve të Breçanit në rrjetin social Facebook.
Zv.drejtori për Sigurinë Publikë në Drejtorinë e Policisë së Qarkut të Tiranës, Erzen Breçani, në një postim në rrjetin social Facebook ka bërë thirrje për të rrëzuar Ramën nga pushteti.
Në një postim të ditës së hënë zyrtari i lartë i Policisë së Shtetit shkruan: “Përshëndetje liderit historik të shqipëtarëve Doktor Sali Berishës e duam ndihmën tënde se jemi mësuar me ty që të na prish deri sa të largojmë pinjollët e komunistave me në krye Edvin Ramën ta largojmë këtë Enver të dytë ne që dikur studenta të 91 shëmbem diktaturën enveriste do gjejmë forcë dhe optimizëm do të ngrihemi të tërë së bashku me rininë që të mos e lëmë këtë hitler të gjunjëzoj shqiptarët”.
Vetë zv.drejtori i Policisë së Tiranës në një reagim të tij ka mohuar autorësinë e komentit.