Ja 10 filmat dhe premierat për stinën e verës 2013

TIRANE - Vera filloi! Përkrah librit, argëtimit dhe pushimeve në plazh, kohën e lirë e rrëmben edhe kinemaja. Ndonëse mund të mendohet se publiku I shumtë i vitit, largohet paksa nga kinemaja për t’iu gëzuar pushimeve të verës, ajrit, diellit dhe ujit të ngrohtë të deteve, sërish fansat e kinemasë ndodh të rregullojnë pushimet e tyre sipas kalendarit të filmave që shfaqen në kinema.

Për këta spektatorë besnikë të ekranit të madh, por edhe për ata që pasditet e verës duan t’I konsumojnë duke parë një film, ia vlen të japim një informacion mbi filmat e verës. Dhe nuk janë pak, por plot 10 filma, 5 nga të cilët premiera botërore ose më saktë premiera të njëkohshme me premierat amerikane dhe kanadeze.

Dhe kjo ndodh në Tiranë, në kinema Millennium ku duhet thënë se prej të paktën një viti, jo vetëm kalendari i ngjeshur ka sjellë plot 4......filma në muaj, por pjesa dërrmuese e tyre janë premiera botërore, projeksione që mbërrijnë shumë më parë në publikun shqiptar se në atë amerikan (kjo për shkak të ndryshimit të orarit mes dy vendeve), filma që zgjojnë interes apo polemika, filma që marrin trofe ose kritika superlative.

Dhe premiera më e freskët i përket të premtes së 28 qershorit, kur fillon projeksionet komedia policeske “The Heat” me protagoniste Sandra Bullock për të cilën ditë më parë është shkruar në shtypin amerikan. Dhe në krah të saj është një tjetër yll i kinemasë, Melissa McCarthy.

KORRIKU HAPET ME “LONE RANGER”

Muaji korrik starton me një premierë botërore që në ditën e tij të pestë. Nga regjisori Gore Verbinski, nga producenti Jerry Bruckheimer e nga skenaristët Justin Haythe, Ted Elliott e Terry Rossio, të gjithë bashkë grupi që ka realizuar sagën e suksesshme “Piratët e Karaibeve”, vjen një aventurë që ka për protagonist heroin e maskuar Lone Ranger.

Teksani i perëndimit që lufton kundër cdo padrejtësie , i shoqëruar nga  luftëtari Tonto (interpretuar nga Johnny Depp), një Indian i Amerikës, i aftë dhe lakonik që është krahu i tij i djathtë. Eshtë pikërisht ai që tregon historinë e shndërrimit të John Reid (Armie Hammer), nga një njeri i thjeshtë i ligjit në një legjendë të drejtësisë duke udhëhequr kështu publikun në një udhëtim jashtë kontrollit, plot me befasi, humor të mprehtë.

Java e dytë e korrikut sjell një film komik të shkrirë me fantashkencë. Disa të rinj ndërsa janë duke festuar në një mbrëmje gjenden përballë apokalipsit. Kryefjala e komedise “This is the end” është Seth Rogen, i cili është jo vetëm një nga protagonistët, por edhe një nga skenaristët dhe regjisorët e filmit. Në krah të Rogen në rolet kryesore janë edhe Emma Watson, Channing Tatum, James Franco, Jonah Hill dhe këngëtarja Rihanna, të gjithë duke interpretuar veten.

Dhe nga kjo komedi që bashkon në ekranin e madh yje të kinemasë dhe të muzikës, ia vlen të shohësh vijimin e Grown Up, tashmë me numrin 2, që vjen premierë në Tiranë vetëm një javë pas premierës amerikane. Adam Sandler, Kevin James, Chris Rock sjellin nota të forta humori në një stil elegant të regjisorit Denis Dugan.

Muaji korrik mbyllet me një premierë botërore si “The Wolverine”, me një Hugh Jackman të pamëshirshëm dhe të vendosur për të arritur qëllimet e tij. Ai rikthehet në këtë rol që është në episodin e gjashtë të  serive X-Men. Premiera është më 26 korrik ky aksion e aventurë njëherësh, ka për regjisor James Mangold dhe është vendosur për tu shfaqur në kinema pikërisht gjatë sezonit të verës. Për ata që adhurojnë teknologjinë duhet ta dinë se filmi vjen në formatin 3D.

GUSHTI, NGA MESUESJA E ANGLISHTES TEK LADY D DHE ONE DIRECTION

Nis lehtë, por mbaron me premiera botërore muzikore. Kështu mund të karakterizohet muaji i fundit i verës. Gushti fillon me një dramë dhe komedi njëherësh të titulluar “The English Teacher”. Dhe kjo mesusese është as më pak e as më shumë, por vetë Juliane Moore.

Por nëse ju merr malli për aksion duhet të ruani javën e dytë të gushtit kur në kinema fillon të shfaqet “White House Down”. Filmi drejtohet nga Roland Emmerich. Në kastin e aktorëve të tij të zgjedhur për këtë film janë  Channing Tatum, Jamie Foxx dhe Maggie Gyllenhaal.

Dhe nëse jeni një fans i grupit “One Direction” mund të ndiqni një film muzikor me dimension dokumentar që i përket pikërisht djemve të famshëm, të cilët rrëfejnë veten në këtë film që vjen premierë botërore më 30 gusht. Por ndërkohë ia vlen të tërheqim vëmendjen në një titull të nxehtë që do t’i përkasë ndoshta fillimi të shtatorit.

Dhe bëhet fjalë për biopikun “Diana”, një film kushtuar princeshës Diana, intepretuar nga aktorja Naomi Watts. Por nëse mendoni se e keni shterruar këtë figurë në një film të mëparshëm duhet të mësoni se filmi i ri, ka në qendër të ngjarjeve vetëm dy vitet e fundit të jetës së saj. Dhe për ta mbyllur këtë kalendar të ngjeshur është “The Mortal Instruments: City of Bones” një aksion dhe dramë me protagonistë dhe Lily Collins, Jamie Campbell Bower, Robert Sheehan. - See more at: http://www.shqiptarja.com/metronews/2729/ja-10-filmat-dhe-premierat-per-stinen-e-veres-2013-164598.html#sthash.x3SdKcqA.dpuf