Fotot e para të Rudina Xhungës me vajzën, Alana

Autorja dhe prezantuesja e emisionit “Shqip”, që transmetohet çdo të hënë në ekranin e “Top Channel”, duket se po i gëzohet pafund statusit të ri që i ka falur jeta, atij të nënës. “Alana sot mbush 3 muaj. Mirëserdhe zemër e vogël! Sot nis jeta jote prej vërteti”, shkruante dje në një prej postimeve të saj në ‘Twitter’, gazetarja e njohur Rudina Xhunga. Energjinë që i ka falur vajza, Rudina e reflekton çdo të hënë në ekran, ashtu sikundër edhe në këto foto, ku shfaqet e qeshur dhe e relaksuar, në paqe të plotë me natyrën. Autorja e disa librave të suksesshëm, veç fotografive ku e mban vetë në krahë vajzën, ka publikuar edhe disa të tjera ku Alana shfaqet me babin. “Alana me babin dhe detin”, - është komenti që ka shkruar Xhunga në foton ku shfaqet bashkëshorti i saj, Dritan Hila, - ish-diplomat, aktualisht analist në “Gazeta Shqiptare” - me vajzën e tyre, Alanën tashmë 3-muajshe, së cilës ne i urojmë një jetë të gjatë e të lumtur përkrah mamit dhe babit. (er.cu/ Bluetooth/BalkanWeb)