Nis "rilindja" e Partisë Demokratike

nga **♛Melody♛** Sat Jun 29, 2013 12:10 am

Partia Demokratike ka mbledhur Kryesinë e saj pas humbjes në zgjedhjet parlamentare. Kreu i dorëhequr, Sali Berisha foli për një fillim të ri të PD-së. Berisha tha se kreu i ri Demokratëve do të zgjidhet nga anëtarët e partisë.
“Kemi detyrën kryesore të hapim procesin e zgjedhjes së lidershipit të ri. Lidershipi i ri ka fatin që të mos ketë historinë në shpinë por të kenë trashëgimin e mirë të PD-së, të ketë vizionin e saj. Në këtë kontekst ai nuk mund të zgjidhet nga kongresi i partisë, por nga një anëtar një votë. Ta konsiderojnë këtë proces si jetik për fillimin e ri të PD-së”, u shpreh Berisha.
Kjo procedurë "kopjohet" nga PS, e cilla ishte partia e parë që futi këtë procedurë. Në këtë mbledhje, Kryeministri u është rikthyer sulmeve ndaj kreut të Partisë Socialiste, Edi Rama. “Ai ka bërë gjithçka për të fituar me familje, me kandidatë. Por ne nuk bëjmë gjah kurrë. Ne e kemi si popull që duam koka turku, por ne nuk e kemi”, tha Berisha.
Në përfundim, Berisha dha një deklaratë për mediet ku u shpreh se, "PD nuk do të pushojë. Ka humbur dhe tani do të punojë shumë".

/Shekulli Online/Përgatiti: F.S./