Vrasja e pronarit të autoshkollës, policia: E vrau burri dhe i biri i dashnores

nga **♛Melody♛** Wed Jun 19, 2013 12:01 am

Vrasja e pronarit të autoshkollës në kryeqytet vazhdon të jetë një mister.
Policia ka rinisur hetimet duke u kthyer pas në kohë, në kohën kur 45-vjeçari pati jetuar në Britaninë e Madhe.
Burime nga policia kanë sqaruar se ngjarja e së shtunës, ku mbeti i vrarë me tre plumba babai i dy fëmijëve, Luigj Dukagjini, dyshohet të ketë lidhje me vrasjen e një viti më parë të Agim Hoxhës, kunatit të 45-vjeçarit.
Sipas policisë, për vrasjen dhe më pas djegien e kufomës në Angli u arrestuan vëllezërit Agim, Afrim dhe Arben Lleshi.
Pas vrasjes së 45-vjeçarit, policia hodhi dyshimet se ekzekutimi i tij mund të ketë lidhje me një nga lidhjet jashtëmartesore të Dukagjinit me një nga kursantet e tij.

Për këtë arsye, në fillim u dyshua se ai ishte vrarë nga bashkëshorti dhe djali i kursantes, por pas shoqërimit të dy personave në polici, ata u lanë të lirë për shkak të mungesës së provave./alb-observer.com/