Motivet për të cilat gratë ndahen nga burrat e tyre

nga **♛Melody♛** Mon Jun 17, 2013 6:53 am

Jeta e çiftit nuk është kurrë e lehtë: ajo është e ndërtuar mbi kompromise, mbi pranimet e defekteve të tjetrit, mbi dëshirën për të bërë bashkë një rrugë të përbashkët, përtej dallimeve të dukshme, duke i kaluar ato. Deri sa gjithçka rregullohet falë dashurisë, ekuilibri midis çifteve vendoset mjaft mirë.
Por shpesh, sidomos këto vitet e fundit, ekuilibri thyhet dhe bashkëjetesa midis tyre bëhet e vështirë, madje arrin një moment kur ajo bëhet e pamundur. Atëherë kërkohen distancimet jashtë marrëdhënies dhe thuhet fjala e fundit. Burrat dhe gratë natyrisht janë të ndryshëm për nga ana e ndjeshmërisë. Ekzistojnë gjëra dhe situata që se ksi femëror nuk arrin t’i pranojë, duke preferuar të thyejë në vend që të bëjë përpara në raste pakënaqësish dhe hidhërimi. Revista “Cosmopolitan” ka realizuar kohët e fundit një sondazh te një numër grash, për të kuptuar shkaqet kryesore që i kanë çuar ato të ndërpresin një marrëdhënie, një bashkëjetesë apo të ndahen nga bashkëshorti. Përgjigjet e tyre ishin të shumta dhe të ndryshme, por ne po ju sjellim 10 më të shpeshtat:
Pak dashuri (39,7%)

Sipas një përshkrimi, gratë janë romantike dhe i atribuojnë një rëndësi shumë të madhe ndjenjave, për të cilën ajo e ka të vështirë të marrë më të mirën. Nëse tek ndonjëri prej tyre ndjenjat kanë tendencë të largohen, atëherë për mashkullin nuk ka shpëtim. Historisë së shpejti do t’i vijë fundi dhe viktimës së pashmangshme do t’i tregohet dera.
Tradhtia (36,6%)

Të mos qenët besnik, për se ksin femëror ka të bëjë drejtpërdrejtë me zemrën. Ndërsa për atë mashkullor, në shumicën e rasteve, është një qëllim në vetvete, pa përfshirë ndjenjat. Femrat arrijnë të falin me shumë vështirësi partnerin e tyre kur ai i tradhton, ndërsa në të kundërt, nëse janë ato që tradhtojnë, atëherë ato i mbajnë “këmbët në të dyja këpucët”.
Gënjeshtrat dhe mungesa e besimit (29,3%)
Gënjeshtrat i kanë këmbët e shkurtra dhe dihet që burrat nuk e marrin parasysh këtë gjë. Harrojnë për gënjeshtrën që kanë thënë, bien menjëherë në kontradiktë dhe zbulohen. Një gënjeshtër harrohet me vështirësi dhe kjo padyshim do të sjellë natyrshëm mungesë besimi, i cili është thelbësor në marrëdhëniet në çift.

Grindje të vazhdueshme (29,1%)
Gjinia femërore karakterizohet nga ndjeshmëria dhe për nga natyra kritike. Grindjet e vazhdueshme e lodhin pa masë dhe e mërzisin shumë, derisa vendosin t’i japin fund një marrëdhënieje.
Romanticizëm i pamjaftueshëm (21,1%)
Është një nga akuzat e përgjithshme që u bëhen meshkujve: nuk dinë të jenë romantik. Femrave u pëlqen shumë të marrin lule, ndonjë dhuratë të papritur, një darkë nën dritën e qirinjve, një shëtitje nën dritën e hënës…dhe nëse partneri nuk arrin ta kuptojë dhe ta manifestojë këtë tip ndjeshmërie, të paktën vetëm një herë, atëherë rreziqet e një largimi në nivel emocional bëhen shumë konkrete.
Dëshira për të dalë me mikeshat (21,1%)
Ajo çfarë mund të duket e parëndësishme në dukje, në një afat të gjatë kohe mund të ndikojnë në një marrëdhënie. Jo gjithçka, domosdoshmërisht duhet të bëhet bashkë, çdokush duhet të ketë hapësirën e tij në jetë. Ta ndalosh të fejuarën ose gruan që të kalojë një mbrëmje mes shoqesh, apo kolegesh, pa praninë e tij, është shumë e gabuar. Më mirë lëre të shkojë, të dalë. Në të kundërt, ajo do të ndihej e “mbytur” dhe do t’i mungonte besimi i partnerit. Edhe kjo gjë mund të jetë një arsye e drejtë që çon drejt shkatërrimit një lidhje apo një martesë.
Mungesa e ambicies (20,6%)
Një burrë pasiv, pa asnjë motiv në jetë apo në profesion, tek partnerja krijon vuajtje. Ende është i fortë miti i burrave biznesmenë, të suksesshëm, tërheqës, se ksi, faktorë që e bëjnë femrën krenare për partnerin e saj.
Largësia (20,2%)

Thuhet “larg syrit, larg zemrës”. Në ditët e sotme marrëdhënia në distancë është e vështirë. Akoma më keq martesa. Jeta u imponon shumë çifteve këtë lloj situate, që me kalimin e kohës largon dhe zbeh dashurinë.

Të mos rënit dakord me familjen dhe me miqtë e tij (18,9%)
Në momentin që femra martohet, ajo duhet të marrë përgjegjësinë për raportet me familjarët apo miqtë e partnerit të saj. Ndodh që me ta të mos krijojë një marrëdhënie miqësore. Ndihet shumë e lodhur nga prania e tyre, sidomos nëse bëhet fjalë për vjehrrën.
Se ksi (15,7%)
Nëse funksionon, ai është arsye për martesë, nëse jo, për shkak të tij dalin probleme. Se ksualiteti në çift është një element thelbësor, nëse nuk funksion, atëherë ju jeni në telashe.
/ Top Channel