“Unë jam Li dhe në frigorifer kam një alien”

Një burrë kinez ka postuar fotografi që tregojnë atë dhe një ‘alien’, i cili gjendet i mbyllur në një frigorifer. Ai tregon se, para disa kohësh u bë dëshmitar i një aksidenti, ku një UFO u përplas shumë afër me oborrin e tij.

Fotografitë e tij, kanë bërë xhiro në rrjetet sociale dhe janë nga më të komentuarat. Li thotë se ai pa një formacion UFO-sh të fluturonin natën përmbi Lumin e Verdhë në provincën Binzhou Shangdong.

Njëra nga UFO-t u përplas në tokë dhe ai gjeti trupin e pajetë të një ‘alieni’. Ai e morri trupin e tij dhe e vendosi në frigorifer.

Policia kineze, ndërkohë, ka thënë se alieni është i rremë, dhe se bëhet fjalë për një skulpturë të punuar me një lloj gome elastike.

/Shekulli Online/Përgatiti: E.D/