Vdes burri, përdhunohet nga 6 gratë e tij

Një biznesmen ka gjetur vdekjen pasi është përdhunuar nga të gjashta gratë e tij. Ngjarja ka ndodhur në një qytezë të Nigerisë, ku biznesmeni Uroko Onoja, i martuar me 6 gra dhe jetonte në Ogbadibo. Pasi u kthye një pasdite nga puna në banesë në orën 3 të drekës, ai kërkoi të shtrihet në dhomën ku jetonte gruaja më e re në moshë.

Por duket se gratë e tjera në shtëpi ishin xheloze që ai preferonte të renë ndaj sipas “Nigeria’s Daily Post”, ato kishin planifikuar një plan. ‘Të pesta hynë në dhomën e nuses më të re dhe të armatosura me thika e litarë i kërkuan atij të bënte seks me secilën prej tyre, të paktën 1 herë’, shkruan “Nigeria’s Daily Post”.

Beteja e seksit nisi fillimisht me gruan më të re në moshë. Por Onoja nuk mundi të marrë më frymë kur gruaja e tij e pestë iu drejtua shtratit të tij.

“Pushoi së marri frymë dhe unë renda drejt tij, por ato të pesta nisën të qeshin. Kur e panë që çështja u bë serioze, vrapuan në drejtim të pyllit dhe nuk i pashë më”, tregon më e reja e grave.

Okpe Odoh, kryeplaku i fshatit tha se e raportoi incidentin në polici. Sipas tij, policia hodhi dyshimet e para tek gratë e biznesmenit, të cilat u larguan në drejtim të pyllit, menjëherë sapo Onoja vdiq.

Policia prej ditës së martë kur ndodhi ngjarja është në kërkim të grave përdhunuese.

/Shekulli Online/ Përgatiti: E.L/