Këngëtarja bullgare vjedh këngën shqip

Plagjiatura tashmë si duket është bërë një lloj “trendi” të cilën po e përdorin edhe këngëtarët e kombësive të tjera. Tani jo vetëm këngëtarët shqiptarë “vjedhin” nga të tjetër, por edhe të tjerët “vjedhin” prej tyre. Dhe kjo ka ndodhur me këngëtaren bullgare Teodora e cila ka “huazuar” këngën “Nuk të jap afat” e këngëtares shqiptare, Albulena Ukaj.

Kënga “Nuk të jap afat” është publikuar nga Albulena në fillim të vitit 2012, ndërsa kënga “Mina Mi Chasat” është publikuar gjatë këtyre ditëve. Albulena nuk ndjehet e shqetësuar për këtë fakt, sepse siç thotë edhe vetë ajo, kënga e saj është hedhur në treg një vit më parë dhe se të gjithë e dinë që plagjiatura tashmë po përdoret nga shumë artistë. Albulena nuk dëshiron të ankohet tek organet kompetente për këtë vjedhje që i është bërë, pasi sipas saj ende nuk funksionon ligji për të drejtat e autorit. /Zëri/