El Salvadori i mohon abortin

E sëmura


Diçitura – Grupimet e të drejtave të njeriut argumentuan se “Beatriz” duhet të lejohet të abortojë. Slogani shkruan: “Merrini rruzaret tuaja jashtë vezëve tona”.
Mes protestash të mëdha, Gjykata e Lartë e El Salvadorit i refuzoi kërkesën një të sëmure rëndë për të kryer abort edhe pse mjekët thonë se fetusi nuk ka pothuajse asnjë shans për të mbijetuar. Avokatët e gruas, e cila vuan nga dështim i mëlçisë, – argumentuan se vijimi i shtatzënisë rrezikon jetën e saj. Vetë fetusi ka humbur një pjesë apo të tërë trurin.

El Salvadori ndalon të gjitha abortet pavarësisht kushteve. Kushtetuta në vendin katolik e mbron të drejtën e jetës “nga momenti i konceptimit”.

Gruaja 22-vjeçare që njihet me emrin në kod “Beatriz”, thuhet se është me shëndet të dobët, duke vuajtur nga një kompleks sëmundjesh. Testet sugjerojnë se fetusi i saj 26 javësh po zhvillohet pa një tru komplet, një gjendje e quajtur anencefali. Pothuajse të gjitha foshnjat e lindura në këtë gjendje vdesin para ose pas lindjes.

Një komitet mjekësh në maternitet, Ministria e Shëndetësisë dhe grupimet e të drejtave të njeriut e mbështetën kërkesën e saj për të ndërprerë shtatzëninë, por gjykatësit votuan katër me një për të refuzuar kërkesën.

Në vendim, gjykatësit thanë: “Kjo gjykatë përcakton se të drejtat e nënës nuk mund të marrin precedencë mbi ato të një fëmije të palindur apo anasjelltas dhe se ka një ndalesë absolute për autorizimin e një aborti si një akt në kundërshtim me mbrojtjen kushtetuese që i jepet një personi ‘nga çasti i konceptimit’”.

Ata i urdhëruan mjekët të monitorojnë shëndetin e gruas dhe të ofrojnë të gjithë trajtimin e nevojshëm. Mjekët që kanë mbështetur ndërprerjen e shtatzënisë kanë argumentuar se rreziqet për shëndetin e saj do të rriten, ndërsa shtatzënia përparon dhe do të bëhet më i vështirë kujdesi mjekësor për të.


Autor Gazeta Shqip te 31 Maj 2013.