Jeni lodhur nga kompjuteri, ja si të qetësoni sytë tuaj...

Me zhvillimin e teknologjisë janë shtuar edhe orët gjatë të cilave ne qëndrojmë para kompjuterit. Por krahas shpinës më shumë nga të gjithë e pësojnë sytë tanë, të cilët irritohen, skuqen, djegin dhe fryhen në pjesën e poshtme të tyre.
Ndër metodat natyrale për qetësimin e tyre është vendosja e një cope patate sipër, ose e një cope mollë, të cilat duhet të lihen mbi sy 10-15 minuta.
American Academy of Optometry ka renditur disa metoda me anë të të cilave shërohen dhe qetësohen sytë:
-Mbani të pastër ekranin e kompjuterit, për të shmangur lodhjen e syve.
-Zgjidhni sfonde me ngjyrë gri, ose të bardhë, pasi shikimi sforcohet më pak.
-Mbani distancën e duhur nga kompjuteri. Largësia ideale është sa krahu juaj.
-Ekrani duhet të jetë pak më sipër se lartësia e syve tuaj, në mënyrë që të mos reflektojë drita.
-Rregulloni dritën në bazë të orarit që përdorni kompjuterin.
-Kujtohuni të përplasni sytë, në mënyrë që të mos thahen.
-Kujtoni rregullin amerikan, që pas çdo 20 minutave punë në kompjuter, bëni një pushim prej 20 sekondash, ose një shëtitje prej 20 këmbësh.
-Përdorni syzet e duhura. Bëhet fjalë për një ndihmesë të madhe për shikimin, duke evituar lodhjen.
-Sa për telefonat celulat dhe smartphone, distanca e duhur nga sytë, është ajo e krahut.
-Nëse punoni gjatë në tastierë, ajo duhet mbajtur në një lartësi të tillë që shpatullat të jenë të relaksuara.