Misteri i flakës së përjetshme të Nju Jorkut (VIDEO)

NEW YORK - Për vite, shkencëtarët menduan se flaka e përjetshme e Nju Jorkut është mbajtur e ndezur me gazin e prodhuar nga shkëmbinjtë e lashtë jashtëzakonisht të nxehtë. Megjithatë, kërkuesit e Indiana University kanë zbuluar se shkëmbinjtë nën Parkun Chestnut Ridge County s’janë aq të nxehtë sa të prodhojnë këtë gaz, që do të thotë se gazi krijohet nga një proces tjetër që e mban flakën të ndezur.

Ende s’kanë arritur të identifikojnë tamam se cili është procesi. Flaka e përjetshme ndodhet mbrapa një ujëvare në perëndim të Nju Jorkut. Thuhet se është ndezur para mijëra vitesh nga amerikanët vendas.

Arndt Schimmelmann, njëri prej kërkuesve, deklaron se shkëmbinjtë kanë një temperaturë të njëjtë me atë të një filxhani me çaj. Plus, masivi argjilor nuk është aq i vjetër sa c‘pritej fillimisht.

Të dy këta faktorë tregojnë se masivi argjilor s’mund të prodhojë gaz njësoj si flakët e tjera anembanë botës. Pra, kërkuesit pranuan se janë të pasigurt se çfarë e krijon këtë lloj gazi.

(Marrë nga BalkanWeb)