Itali, Në 20 Vjetorin E Lindjes Së Vajzës Kryefamiljari Vret Tërë Familjen

ITALI – E shtuna, e cila do të ishte një ditë feste për një familje italiane, është kthyer në një ditë ekzekutimi për të gjithë anëtarët e saj. Në Bari, kryefamiljari ka qëlluar për vdekje bashkëshorten, vajzën e cila sot do të festonte 20 vjetorin, djalin 24 vjeç, i cili ka mbetur i plagosur rëndë dhe më pas është vetëvrarë në pishinën e vilës familjare.

Kryefamiljari ishte me profesion farmacist, ndërsa bashkëshortja, zv.kryetare e komunës Sanicandro.
Vajza do të kishte mbushur 20 vjeç të hënën, por festa me 70 të ftuar ishte organizuar për sot. Gjetja e trupave është bërë nga karabinierët pas sinjalizimit nga e fejuara e të riut.
Pas shumë orësh përpjekjesh për të pasur kontakt me të fejuarin, vajza i ka telefonuar disa miqve të cilët pasi kanë kaluar murin rrethues të vilës kanë parë trupat e pajetë të familjes dhe kanë dhënë menjëherë alarmin./shqiptarja.com