Pandeli Majko: “Oh sa mirë me qenë tradhtar!…”

Pandeli Majko, me anë të një statusi të tij në facebook, nuk ka hezituar të të shpreh indinjatën dhe zhgënjimin e tij të thellë për “matrapazllëqet” dhe mjerimin politik të vendit në të dy kampet politike!
Majko, ka qenë shumë i “hidhur” dhe realist për atë çka po ndodh aktualisht në vednin tonë, duke e quajtur si “është shembulli më denigrues për mjerimin e politikës në këto ditë me shkëlqim publicitar”.

Në këtë status Majko shkruante: “Oh sa mirë me qenë tradhtar!”… Fushata elektorale që sapo ka filluar e ka të shkruar në “ballë” këtë fjali turpëruese. Ky është shembulli më denigrues për mjerimin e politikës në këto ditë me shkëlqim publicitar. Paturpësia është kthyer në një pikë vajguri në pjatën e “supës” së premtimeve të zgjedhjeve të 23 qershorit. Respekt për të gjithë miqtë dhe kolegët e djathtë dhe të majtë që i qëndrojnë besnikë vetëvetes dhe historisë nga vinë. Mirëmëngjesi!”/alb-observer.com/