Pablo Neruda nuk u helmua nga Pinochet

nga **♛Melody♛** Mon Nov 11, 2013 9:22 pm

Pablo Neruda nuk është helmuar nga regjimi i Pinochet. Ky është rezultati i analizave të kryera nga një grup prej 15 ekspertësh kilianë dhe të huaj.
Rezultati i publikuar në përfundim të dhjetëra testeve të ndërmarra nga grupi i ekspertëve doli në përfundimin se në trupin e poetit kilian, të njohur për bindjet e tij politike të majta, nuk është gjetur asnjë gjurmë helmi.
Pablo Neruda vdiq në vitin 1973, në moshën 69-vjeçare, pak ditë pasi në pushteti kishte ardhur nëpërmjet një grushti shtetit Gjenerali Augusto Pinochet, i cili rrëzoi presidentin Salvador Allende, mik shumë i afërt i poetit.
Trupi i Nerudës u zhvarros në muajin prill për t’iu nënshtruar analizave të specializuara për të përcaktuar nëse vdekja e tij kishte qenë natyrale apo ishte helmuar nga njerëzit e Pinochet, kundërshtarët e presidentit të rrëzuar.
Kërkesa për zhvarrosjen e tij dhe kryerjes së analizave për të përcaktuar shkaqet e vdekjes u bë nga Partia Komuniste e juristit Eduardo Contreras, që edhe pas daljes së këtyre analizave është ende i bindur se Neruda u helmua.
9 nëntor 2013 (gazeta-Shqip.com)