25-vjeçari përdhunon anglezen e mitur në banjën e një lokali në Tiranë

nga **♛Melody♛** Tue Sep 24, 2013 8:10 pm

Përdhunon një angleze në banjën e një lokali, arrestohet i riu. Ngjarja ka ndodhur ditën djeshme në një lokal në Unazën e Re. Në pranga është vënë, Muhamet Mullaj, 25 vjeç me origjinë nga Përmeti por me banim në Tiranë.
Burime nga policia e kryeqytetit kanë bërë të ditur se, është arrestuar dhe i dashuri i vajzës nga Anglia, raporton “Shqiptarja.com”. Mariglen Xhepo, pasi ka marrë vesh ngjarjen e ndodhur nga e dashura e tij, ka goditur me sende të forta 25-vjeçarin.
Mësohet se, 25-vjeçari ka ruajtur të renë nga Anglia kur ajo është drejtuar për tek banja e lokalit dhe në momentin kur nuk ka pasur tjetër njeri, e ka detyruar atë të kryej marrëdhënie seksuale me dhunë. Gjithashtu bëhet e ditur se Mllaj ndodhej nën efektin e alkoolit.
Aktualisht Mullaj ndodhet në reanimacion për shkak të plagëve të marra pas dhunës së ushtruar ndaj tij, nga i dashuri i vajzës. Ndaj 25-vjeçarit është ngritur akuza e “marrëdhënieve seksuale me të mitura”, ndërsa ndaj Xhepos rëndon akuza e “plagosjes së rëndë”.