Fiksimi i ri i Kim Karashianit: Nudo sërish për Playboy!

Kim Kardashian duket se ka dëshirë të pozojë sërish për "Playboy", por më parë duhet të dobësohet, si pasojë e peshës së marrë nga lindja. E sapobëra nënë ka deklaruar në një klip promovues të "Keeping Up With The Kardashians" se dëshiron të zhvishet sërish, pas lindjes së North West. "Sapo të heq këto kile të tepërta, dua të pozoj për Playboy, apo të realizoj disa foto nudo", ka thënë Kim.
Fansat duhet ta mbajnë mend Kimin që pozoi për revistën e famshme në vitin 2007, ndërkohë që u ripublikuan imazhet e saj lakuriq edhe në 2010-n. Mirëpo në atë kohë ajo shprehu edhe një farë pakënaqësie për atë që kishte bërë: "Më vjen keq që pozova për Playboy. Nuk u ndjeva fare rehat".

Sidoqoftë duket se këtë radhë është këshilluar edhe nga e ëma, e cila i ka thënë se pozat e reja mund t'i ketë edhe si një lloj kujtimi pas lindjes së vajzës. Mbetet të shihet tashmë nëse Kim do të dhurojë diçka plus, në krahasim me nudot e pesë viteve më parë.