Besa dhe francezja Imany në “Top of the Top”
AlbaniaForumsLife :: ♥♥♥♥♥ (⁀‵⁀,)♥♥♥♥♥ Aktualitete - Kuriozitete - Vip ♥♥♥♥♥ (⁀‵⁀,)♥♥♥♥♥ :: Vipat Shqiptare - Personalitete Te Shquara
Faqja 1 e 1
Besa dhe francezja Imany në “Top of the Top”
nga ♛Melody♛ Thu Aug 29, 2013 1:55 am
Para një viti këngëtarja shqiptare Besa Kokëdhima interpretoi këngën e Imany “You will never know”, e cila u komentua pozitivisht duke u cilësuar “e shkëlqyer” nga vetë këngëtarja franceze.Burimi: Shqiptarja
Besa dhe Imany
Ndërkohë Kokëdhima ka publikuar në faqen e saj zyrtare në facebook një foto me Imany, ku tregon se më në fund e ka takuar këngëtaren franceze. “Më në fund u takuam”, -ka qenë diçitura e këngëtares për foton e realizua.
Besa dhe Imany kanë qenë të ftuara në festivalin “Top of the Top” në Poloni. Përkrah Besës kanë interpretuar edhe emra të tjerë të njohur të muzikës botërore si Caro Emerald, Amy MacDonald etj.
♛Melody♛
Shteti : 
Gjinia : 
Numri i postimeve : 4419 Faleminderit : 70 Antaresimi : 22/04/2013-
Besa, e përzgjedhura nga Shqipëria e Polonisë në 'TOP of the TOP'
nga ♛Melody♛ Thu Aug 29, 2013 2:14 am
Festivali në të cilin kanë performuar yje të muzikës botërore si Boney M., Annie Lennox, Alphaville, Elthon John, Ricky Martin dhe Whitney Houston, fton si përfaqësuese të Shqipërisë Besën
Luela Myftari
-Sopot 'TOP of the TOP' Festival është një nga ato festivale në të cilët marrin pjesë këngëtarët më të suksesshëm në tregun muzikor të Europës. Ka qenë një ftesë që ka ardhur në adresë të Besa Kokëdhimës, ajo që e ka ftuar këngëtaren shqiptare të performojë dhe ta ndezë skenën në Poloni. Ky festival filloi zhvillimet e tij në datën 23 gusht, pra vetëm tri ditë më parë në Sopot, Poloni. TOP of the TOP, që do të përkthehej në shqip më të mirët e më të mirëve, është një festival i ri që vazhdon traditën e International Song Festival (por, që nga viti 1992 njihet me emrin Sopot Festival), duke i dhënë kështu edhe më shumë modernitet emrit të festivalit dhe duke u afruar kështu me sitlin e këngëve që performohen në skenë. Festivali është krijuar që në vitin 1961 dhe është zhvilluar çdo vit, me disa shkëputje të vogla.
Në Sopot Festival kanë performuar yje të muzikës botërore si Boney M., Annie Lennox, Alphaville, Elthon John, Ricky Martin dhe Whitney Houston. Këtë vit, njëlloj si edhe vitin e kaluar, ky festival u zhvillua në Operën e Pyllit në Sopot në datat 23dhe 24 gusht. Festivali u transmetua në televizionin polak Polsat. Ndërkohë që në vitin 2012 ky festival është transmetuar përveçse në Poloni edhe në Suedi, Lituani, Estoni e Shqipëri. Një nga elementët më të rëndësishëm dhe unikë të festivalit është vendi i zhvillimit: “Opera e Pyllit”, një vend i veçantë në mes të një pylli në breg të Detit Balltik. Vitin e kaluar kanë performuar Eric Saade ( që përfaqësonte Suedinë), Gotthard (përfaqësuesi i Zvicrës), Tony Carreira (nga Portugalia), Outloudz (nga Estonia) dhe shumë të tjerë me emër në botën e muzikës evropiane dhe ndërkombëtare. Pjesëmarrës në këtë festival janë dhe kanë qenë gjithnjë këngëtarët më të suksesshëm të vendeve europiane. Këtë vit këngëtarja përfaqësuese e Shqipërisë është Besa Kokëdhima.
Ajo ka qenë e pranishme në këtë festival që në ditën e parë, më 23 gusht, ditë e cila iu kushtua hiteve më të njohura të viteve '80, hite këto që i përkisnin si arenës ndërkombëtare ashtu edhe Polonisë. Në këtë pjesë të festivalit morën pjesë këngëtarët: Belinda Carlisle, Rick Astley, Opus, Helena Vondrá?ková, Budka Suflera, Izabela Trojanoëska, Felicjan Andrzejczak, Rui Carlos Ferreira, Lombard, Kobranocka. Në pjesën e dytë të festivalit, të titulluar Top of the Top, pjesë e cila ishte edhe arsyeja që këngëtarët më të njohur në Europë morën pjesë dymbëdhjetë këngëtarë nga dymbëdhjetë shtete të ndryshme të botës. Ndërsa në datën 24 gusht, festivali iu kushtua hiteve të verës së këtij viti. Këngëtarja nga Shqipëria, Besa performoi e njëmbëdhjeta në pjesën e dytë të natës së parë duke i dhënë asaj skene ca më shumë atmosferë me këngën e saj “Fishekzjarre”. Gjatë performancës, Besa u shoqërua nga një grup balerinësh polakë, të cilët i dhanë këngës edhe më shumë ritëm e lëvizje skenës.
Edhe këtë radhë ajo ka i ka vërtetuar botës së muzikës në Shqipëri dhe Europë se ajo di të shkëlqejë. Ftesa të tilla që e bashkojnë atë me artistët më të suksesshëm të vendeve të tjera evropiane e kanë afruar edhe më shumë këngëtaren shqiptare me një nga ikonat e muzikës në botë, Imany. Kjo e fundit, ka performuar e dyta në natën e dytë të Festivalit të Polonisë, si përfaqësuese e Francës. Më parë, Imany ka deklaruar se është mrekulluar kur ka dëgjuar Besën të këndojë hitin e saj. E për të mësuar më shumë mbi këtë takim, nuk na mbetet shumë veçse të presim Besën të rikthehet në atdhe për të na rrëfyer eksperiencën e saj në TOP of the TOP Festival.
♛Melody♛- Shteti : Gjinia : Numri i postimeve : 4419 Faleminderit : 70 Antaresimi : 22/04/2013
-
AlbaniaForumsLife :: ♥♥♥♥♥ (⁀‵⁀,)♥♥♥♥♥ Aktualitete - Kuriozitete - Vip ♥♥♥♥♥ (⁀‵⁀,)♥♥♥♥♥ :: Vipat Shqiptare - Personalitete Te Shquara
Faqja 1 e 1
Drejtat e ktij Forumit:
Ju nuk mund ti përgjigjeni temave të këtij forumi