Shpenzon mijëra dollarë për zgjerimin e të pasmeve, vdes 10 orë më vonë …FOTO

nga **♛Melody♛** Wed Jun 19, 2013 6:03 am

Policia e Floridas ka nisur hetimet lidhur me vdekjen e Suyima Torres, 28 vjeç nga South Forida, e cila shkoi në një qendër shëndetësie dhe estetike në Miami për disa injeksione në të pasme, për zgjerimin dhe përmirësimin e tyre, ku pagoi më shumë se 3 mijë dollarë, për seancën e dytë të injeksioneve, por gjeti vdekjen 10 orë më vonë.

Nga ana e hetimeve rezulton se personi i cili i kishte bërë injeksionet, pretendonte se ishte një mjek nga Venezuela, por nuk është identifikuar ende.
Shkaku i saktë i vdekjes së 28 vjeçares mbetet ende i paqartë, ndërsa nga ana e autoriteteve ka nisur puna për mbylljen e kësaj qendre, pasi mendohet se aty punonin mjekë të palicencuar.
Klinika drejtohej nga Ruth Planas, i cili ka refuzuar të japë informacione lidhur me ekzaminimet mjekësore, çka ka bërë që të thellohen edhe më shumë hetimet./Indeksonline/