Dafina fshinë …..?

nga **♛Melody♛** Wed Jun 19, 2013 5:57 am

Këngëtarja Dafina Zeqiri ka qenë pre e kritikave të shumta për stilin e saj sidomos vitin e fundit, duke u krahasuar me këngëtaren Rihanna. Ajo është kritikuar shumë shpesh për kopjim.
Në forume e portalet të ndryshme, kurdo që flitet për Dafinën, veç lëvdatave, hasim në komente kritikuese por kjo nuk mund të thuhet për rrjetet sociale që i menaxhon vet ajo, e sidomos për rrjetin Instagram.
Fotografitë që Daffy çdo ditë i publikon në Instagram marrin vetëm lëvdata dhe aty nuk mund të hasësh asnjë koment kritikues. Kjo për faktin se me gjasë, këngëtarja është shumë e kujdesshme për të “eliminuar” komente në disafavor të saj.
Në dy fotografi të publikuara së fundmi, duket se Dafina është “ngacmuar paksa” nga ata që mendojnë se stili i saj nuk është origjinal por ato komente nuk mund ti shohësh më. Krejt çfarë vërehet janë disa kundërpërgjigje të zjarrta të fansave të saj drejtuar personit që kanë komentuar dhe kritikuar këngëtaren.
Kjo nuk është hera e parë që ndodh një gjë e tillë , pasi që shpeshherë në fotografi të ndryshme mund të shohësh kundërpërgjigje të fansave besnik të këngëtares por jo edhe komentet kritikuese ndaj saj./Indeksonline/