Fushë-Krujë, pranga 21-vjeçarit, tentoi të grabiste një shoqatë

nga **♛Melody♛** Wed Jun 19, 2013 1:02 am

Një i ri 21-vjeçar ra në prangat e policisë ditën e sotme, pasi tentoi të grabiste një shumë të konsiderueshme parash në godinën e një shoqate bamirësie.
Ngjarja ndodhi në Bubq të Fushë-Krujës, ku sipas policisë, është ndaluar shtetasi, Enco Kola, 21-vjeç. Mësohet se 21-vjeçari u pikas nga një prej jetimëve të shoqatës, ndërsa thuhet se ka patur edhe konfrontim fizik mes tij dhe personave të tjerë të shoqatës.
Policia thotë se i riu ka përdorur edhe armën e zjarrit, por fatmirësisht pa shkaktuar të lënduar. Në vendngjarje mbërriti policia, e cila prangosi 21-vjeçarin.
/Shekulli Online/Përgatiti: E.D/