Ekzekutoi në 1997-ën nënën e Elsa Lilës, dënohet me 20 vite burg Albenc Ago

Gjykata e Apelit në Tiranë shpalli ditën e djeshme verdiktin final për vrasësin Albenc Ago, i akuzuar për vrasjen e Eva Vishajt, nënës së këngëtares së madhe shqiptare Elsa Lila. Mësohet se Ago u dënua me 20 vite burg, pasi e gjeti fajtor për krimin e rëndë të ndodhur më 23 maj të vitit 1997.
Nga Gjykata e Apelit bëhet me dije se ai u dënua në mungesë në vitin 2005 nga Gjykata e Tiranës dhe një vit më vonë u ekstradua nga Italia, duke nisur dhe betejën ligjore me drejtësinë shqiptare. Viktima Eva Dishaj (Lila) që ra pre e kriminelit, u gjet e vrarë ë rreth orës 19.00 të mbrëmjes së 23 majit 1997 në kilometrin e 29-të të aksit rrugor Tiranë – Elbasan, pikërisht në afërsi të fshatit Gracen. Trupi i saj i pajetë u gjetë nga një shofer furgoni që udhëtonte drejt Elbasanit, i cili e shoqëroi drejt Spitalit Ushtarak.

Në atë kohë nga policia u deklarua se ajo para se të gjuhej me plumb në sy ishte keqtrajtuar me sende të forta dhe hedhur në anë të rrugës. Mekanizmi i ngjarjes, është zbardhur nga dëshmitarët e shumtë që janë pyetur në procesin gjyqësor, mes tyre dhe njerëz që kishin bashkëpunuar ngushtë me Agon. Por, pavarësisht firmosjes së dënimit prej 20 vitesh burg, nuk u hodh dritë mbi motivin e vrasjes së Eva Vishajt./alb-observer.com/