Mjekët Ngatërrojnë Kancerin Në Fyt Me Bajamet, Vdes Nëna E 4 Fëmijëve

Historia e Victoria Jane Wyers-Roebuck, nënë e katër fëmijëve është vërtetë e pabesueshme dhe tregon një tjetër rast të problemeve në shëndetësi.


Gjatë vizitës mjekët i thoshin se nuk kishte asgjë jonormale në fyt, përveç bajameve, duke bërë që gruaja të gjejë vdekjen pak muaj më pas si pasojë e agonisë dhe dhimbjeve të pandalshme.

Autopsia siç raporton Noa.al, tregoi se 41 vjeçarja britanike, nuk kishte probleme me bajamet por kishte një formë akute të linfomës.

Bashkëshorti i saj pas humbjes së të shoqes tha për mediat, “Ankohej vazhdimisht për dhimbje fyti, por askujt nuk i kishte shkuar ndërmend se bëhej fjalë për kancer”.



Familja e Victorias ka denoncuar klinikën dhe mjekët që kuruan 41 vjeçaren, duke thënë se asgjë nuk mund t’ua kthejë nënën katër fëmijëve të saj.