Casanova kumarxhiu karizmatik, ka organizuar lotarinë e parë shtetërore në Francë

Ai është i njohur si joshësi më i madh i të gjitha kohërave, ndërsa pak kush e di se Giacomo Casanova e ka organizuar lotarinë e parë shtetërore në Francë në vitin 1760.
Fisnikëria asokohe kishte kërkuar 20 milionë franga nga mbreti për formimin e shkollës ushtarake, por mbreti nuk donte të rrisë tatimet nga frika se do ta humbte popullaritetin te njerëzit.
Casanova i ka ofruar mbretit që paratë të grumbulloheshin duke organizuar lotarinë, ndërsa më pas ai u caktua nga i pari i vendit si organizuesi kryesor i kësaj loje fati. Casanova ishte i bindur se lotaria, jo vetëm se do t’i siguronte mjetet e nevojshme për hapjen e shkollës ushtarake, porse do t’i sillte dobi të mëdha shtetit.
Përveç se historia e mban mend si dashnorin më të madh të cilit nuk ka mundur t’i rezistojë asnjë femër në Evropë, ai duhet të mbahet mend edhe si kumarxhiu më karizmatik. Giacomo Casanova, i cili lindi në Venecia në vitin 1725, ka qenë po ashtu edhe prift, muzikant, ushtar, spiun, diplomat, mason dhe shkrimtar./clubfm