Vin Diesel: Facebooku më ka shumë borxhe

Aktori i njohur, Vin Diesel, ka thënë se rrjeti social Facebook i ka atij borxh shuma të mëdha të hollash për shkak të numrit të fansave që ka në faqen personale të tij.
Personazhi i njohur i “Fast and Furious”, i cili ka mbi 41 milionë pëlqeime në faqen e tij personale, ka bërë shaka duke thënë se ai duhet të kompensohet në mënyrë monetare nga rrjeti social.
“Kur e fillova faqen time, i vetmi person qe kishte miliona njerëz ishte Barack Obama. Për shkak se ai sapo ishte zgjedhur atëherë president”.
“Kështu, kur fillova të flas personalisht me fansat, unë u bëra numri një në botë. Mbi Coca Cola, mbi shumë kompani të mëdha. Dhe krejt kjo vetëm pse isha komunikativ me fansat. Facebooku më ka borxh”, u shpreh Vin Diesel.
Ai shtoi se zyrtarë të Facebook e kishin ftuar në një takim për ta pyetur se si ka arritur numrin e fansave, që sipas Diesel ka ardhur për shkak të mënyrës unike të menaxhimit të faqes, pasi që ai personalisht shkruante dhe askush tjetër nuk kishte akses në faqen e tij./clubfm